दिवाळी अंक २०१२

मराठी अभ्यास परिषदेच्या वतीने, दरवर्षी ‘भाषा आणि जीवन’ हे त्रैमासिक गेल्या ३० वर्षांपासून प्रकाशित करण्यात येते. हिवाळा, उन्हाळा, पावसाळा आणि दिवाळी असे चार अंक दरवर्षी प्रसिद्ध होत असतात. ह्या वर्षीचा म्हणजे २०१२मधील 'भाषा आणि जीवन' चा दिवाळी अंक ‘बोली विशेषांक’ म्हणून प्रकाशित होत आहे.

शनिवार, दि० १० नोव्हेंबर, २०१२ ला ह्या बोली विशेषांकाचे प्रकाशन मान्यवर लेखक आणि अभ्यासक डॉ० सदानंद मोरे यांच्या हस्ते होणार आहे. समारंभाचे अध्यक्ष आहेत प्रा० प्र०ना० परांजपे. वेदशास्त्रोत्तेजक संस्थेच्या सभागृहात सायंकाळी ५.३० वाजता होणार्‍या ह्या कार्यक्रमाला आपण आवर्जून उपस्थित राहावे, अशी विनंती आहे.